ZER DA

ALIMENTACCIÓN Bidezko Elikadurak sortutako gizarte- eta hezkuntza-programa da. 2014tik, Hegoa, Nazioarteko Lankidetza eta Garapenari buruzko Ikasketa Institutuarekin partekatzen dugu.

GURE HELBURUA

Ekimen honen oinarria eskola da, gure elikadurari eta honek ingurunean, osasunean eta bai pertsonen bai komunitatearen bizi-baldintzetan eragiten dituen ondorioei buruz hausnartzeko jarduketa-ardatz gisa. Alimentacción-en, bestelako elikadura-eredua sustatzen dugu, genero-ikuspegia txertatuta duen Elikadura Burujabetzaren printzipioetan oinarritua, landa-mundu biziaren aldeko apustua egiten duena eta, komunitate osoa inplikatzeko, ardatz dinamizatzaile gisa ikastetxea duena.

SAREA

Sarea Espainiako Estatu osoko landa-eremuko edo erdi landa-eremuko ikastetxeek osatzen dute, kontzientzia kritikoa sortzeaz batera gure elikadura-ereduak bere katearen jardun guztietan (ekoizpena, banaketa, merkaturatzea eta kontsumoa) eragiten dituen gizarte-, ekonomia- eta ingurumen-ondorioei aurre egiteko ekintza sustatu nahi dutenak. Berriki, Lanbide Heziketarekin lotutako ekimenak eta enpresak batu zaizkio Sareari, hezkuntza-prozesuetan laguntzen dutenak.

GURE LAN-MOLDEA

Sareko kide diren ikastetxeek genero-ikuspegiari heldutako Elikadura Burujabetzaren printzipioetan oinarritutako edukiak, materialak eta jarduerak txertatzen dituzte beren eskola-planetan, egungo elikadura-eredua zalantzan jarrita. Hori guztia metodologia parte-hartzaileen bidez lantzen da; ondorioz, ikastetxea benetako demokrazia-eremu da, non ikaskuntza kontziente eta norabide anitzekoa bultzatzen den.