QUE É

ALIMENTACCIÓN é un programa socioeducativo que naceu en 2010 por Justicia Alimentaria e que dende 2014 compartimos co Instituto de Estudos sobre Desenvolvemento e Cooperación Internacional HEGOA.

O NOSO OBXECTIVO

Esta iniciativa parte da escola como eixo de acción para reflexionar sobre a nosa dieta e como afecta o medio ambiente, a saúde e as condicións de vida das persoas e da comunidade. En Alimentacción promovemos un modelo alternativo baseado nos principios da soberanía alimentaria con perspectiva de xénero, que aposte por un mundo rural vivo, tomando o centro escolar como eixo dinámico para involucrar a toda a comunidade.

A REDE

A rede está formada por escolas rurais ou semi-rurais de todo o Estado español que queren xerar conciencia crítica e promover accións fronte ás consecuencias sociais, económicas e ambientais xeradas polo noso modelo alimentario en todas as partes da súa cadea (produción, distribución, comercialización e consumo). Recentemente incorporáronse á Rede iniciativas e empresas relacionadas coa Formación Profesional que colaboran en procesos educativos.

COMO TRABALLAMOS

Os colexios que forman parte da rede incorporan contido, materiais e actividades baseados nos principios da soberanía alimentaria desde a perspectiva de xénero nos seus plans escolares, cuestionando o modelo alimentario actual. Todo isto trabállase a partir de metodoloxías participativas que fan da escola un verdadeiro espazo de democracia e aprendizaxe consciente e multidireccional. Todos aprendemos.