ZER DA ELIKADURA BURUJABETZA?
VIA CAMPESINAREN ARABERA ELIKADURA BURUJABETZA DA…
Herriek elikagai osasungarriak, kulturalki egokiak eta metodo iraunkorren bitartez ekoitziak izateko duten eskubidea, baita beren nekazaritza- eta elikadura-sistemak zehazteko eskubidea ere.
- Ekoizpen landatar iraunkorreko eredu bat garatzen du, komunitateei eta ingurumenari mesede egiten diena.
- Elikagaien tokiko ekoizpena eta kontsumoa lehenesten ditu.
- Elikagaiak ekoizten, banatzen eta kontsumitzen dituzten pertsonen asmoak, premiak eta bizimoduak elikadura-sistemen eta -politiken erdigunean kokatzen ditu, merkatu globalen eskakizunen aurretik.
ZER ESAN NAHI DU HORREK?
AGROEKOLOGIA SUSTATZEN DUGU
Bioaniztasuna errespetatzen duten eta baliabide naturalak modu jasangarrian erabiltzen dituzten elikagaiak ekoizteko, eraldatzeko, banatzeko eta kontsumitzeko moduak biltzen ditu agroekologiak, eta tokiko ekoizpena, jakintza herritarrak eta elikadura-sistemako eragileen arteko gertutasun harremanak zaintzen ditu.
ELIKADURA ESKUBIDEA BABESTEN DUGU
Hau da, gizaki orok dagokion elikadura kontuei buruzko informazioa jasotzeko eta erabakitzeko duen eskubidea, eta elikadura egokia, nahikoa, askotarikoa, osoa eta metodo jasangarrien, bidezkoen eta ekitatiboen bitartez ekoitzia eskuratzeko aukera fisikoa eta ekonomikoa (bere baliabideekin) izateko eskubidea.
TOKIKO GARAPENA BULTZATZEN DUGU
Gertuko elikagaien ekoizpenari lehentasuna ematen diogu, baita horien eraldaketari, prestaketari eta zirkuitu laburren bitarteko banaketari ere, ekoizleen,
kontsumitzaileen arteko sinergiak sortuz eta lurrik gabeko nekazariek lurra, ura, haziak eta kreditua lortzeko aukera izan dezaten bermatuz.
