ZER DIRA ETA ZER PROPOSATZEN DUTE PEDAGOGIA KRITIKOEK?
BESTELAKO HEZKUNTZA
Pedagogia kritikoek hezkuntza-harremanean nahasitako zentzuen, prozesuen eta subjektuen ikuspegi sozial eta politikoa proposatzen duten ikuspegiak hartzen dituzte.
MUNDUA ULERTZEA
Gaitasunak garatzea, aurrean ditugun problematikak kritikoki aztertzeko, tokiko eremuaren eta eremu globalaren arteko konexioak ezartzeko eta gizarte justiziarekin, berdintasunarekin eta iraunkortasunarekin konprometitutako ekintza indibidual eta kolektiboak abian jartzeko.
BEGIRADA KONPROMETITUAK
Ikuspegi feministak eta ekosozialak txertatzea; izan ere, horiek beharrezkoak dira gizakiak beren artean eta planeta mugatu batekin lotzen duten interdependentzia eta ekodependentzia aintzat hartzeko, eta bizitzaren iraunkortasuna bermatuko duten proposamenak artikulatzeko.
CURRICULUMA PRAXI GISA
Sozialki garrantzitsua den ezagutza sortzea.
Edukiak diziplinarteko ikuspegietatik antolatzea, horiek emango baitute, alde batetik, errealitatearen interpretazio-ikuspegia garatzeko aukera, eta, bestetik, ikasleek, beren ekintza sozial eta herritarraren bitartez, errealitatean esku-har dezaten beharrezkoa den ulermena.
PRAKTIKA PEDAGOGIKO KOKATUA
Ikasketa integrala -etikoa eta politikoa, emozioetatik eta gorputzetatik…- errazten duten metodologien bitartez. Metodologia horiek gazteen inplikazio aktiboa bilatzen dute -beren testuinguruetako baldintza partikularren, beren esperientzien eta biografien arabera-, ikerketa sustatzen dute, alternatibak sortzen laguntzen dute eta inguruko eragileekin antolatzea eragiten dute.
